Aðeins vantaði að skjóta 15 dýr af gefnum hreindýraveiðikvóta árið 2008. Alls veiddust 1318 dýr af þeim 1333 sem gefið var leyfi fyrir að veiða. Veiðitímabilið stóð yfir í 63 daga og mest veitt á svæðum 1 og 2. Þrettán kýr og tvo tarfa vantaði upp á og voru þar af sex kýr á svæði þrjú og sex kýr á svæði níu. Heildartölur um veiðina má sjá á hreindyr.is.

Veiðitímabilinu lauk formlega á miðnætti þann 15. september síðastliðinn. Næsta tímabil hefst að ári og tekið verður við umsóknum um veiðileyfi í janúar 2009.