Frétt

Umhverfisstofnun fékk ábendingu frá veiðimanni varðandi fimmskipta listann í hreindýraleyfa útdrættinum. Farið var yfir röðunina á honum og hann endurskoðaður. Endurskoðunin leiddi í ljós mistök þar sem þeir sem fengu úthlutun á veiðitíma árið 2012 en tóku ekki dýr komu ekki inn á fimmskipta listann. Umhverfisstofnun hefur nú lagfært þessi mistök en við það bættust 21 í forgang á biðlista þannig að það voru 76 á fimmskipta lista. Af þessum 76 fengu 28 úthlutun í útdrættinum. Í úthlutunarreglunum Umhverfisstofnunar er það þannig að þeir sem fá úthlutuðu dýri á veiðitíma og hafna missa ekki rétt á því að vera á fimmskipta listanum.

Umhverfisstofnun biðst velvirðingar á þessum mistökum og þakkar fyrir ábendinguna.

Hér má sjá hve margir af fimmskipta lista fengu ekki úthlutun í ár og fara því fram fyrir biðlista.

 

Svæði Tarfur Kýr
1 3 1
2 5 2
3 1 0
4 0 0
5 7 4
6 11 1
7 10 3
8 0 0
9 0 0
Samtals 37 11