Umhverfisstofnun, sveitarfélagið Hörgársveit og landeigendur jarðarinnar Hóla hafa undanfarið unnið að undirbúningi að friðlýsingu hluta jarðarinnar Hóla í Öxnadal sem friðlands og er tillagan hér með auglýst til kynningar.

Í tillögunni kemur fram að lagt er til að friðlýsingin nái til Hólahóla og Hóladals. Hólahólar eru hluti mikils berghlaups fyrir miðjum Öxnadal sem er bæði glæsilegt og tilkomumikið. Hóladalur er langur og grösugur dalur sem gengur suður til móts við Skjóldal í Eyjafirði. Á dalnum eru nokkur berghlaup og votlendi er allnokkurt. Í utanverðum Hóladal er miðja fornrar megineldstöðvar frá tertíer með öskju. 

Frestur til að skila inn athugasemdum er til föstudagsins 21. mars 2014. 

Nánari upplýsingar veitir Hildur Vésteinsdóttir, hildurv@umhverfisstofnun.is, eða í síma 591-2000.

Tengd gögn

• Auglýsing um friðlýsingu Hólahóla og Hóladals í Öxnadal (PDF, 230 KB)
• Kort af svæðinu (PDF, 300 KB)