Vatnavefsjá

Umhverfisstofnun í samstarfi við Veðurstofu Íslands rekur Vatnavefsjá og skráningargátt sem gegna tvíþættu hlutverki.  Þar geta fagaðilar fært inn upplýsingar sem fást úr vöktun og gefa til kynna hvert er ástand vatns.  Þar getur almenningur allur og hagsmunaaðilar nálgast sömu upplýsingar á einfaldan hátt.

Í vefsjánni er hægt að skoða ýmis gögn og upplýsingar er varða stjórn vatnamála s.s. vatnshlot og gerðarskiptingu þeirra, álag á vatnshlot, eftirlit og vöktun, náttúrufar og landgerð.

Ávallt er reynt að sýna nýjustu upplýsingar og/eða gögn í Vatnavefsjánni. Ef notendur verða hins vegar varir við villur eða vilja koma á framfæri athugasemdum eða ábendingum varðandi innihald vefsjárinnar eru þeir hvattir til þess að nýta sér ábendingakerfi Umhverfisstofnunar.