Formlegt fagfélag um mengun á Íslandi (FUMÍS) hefur verið sett á stofn. Umhverfisstofnun á fulltrúa í stjórn félagsins, Kristínu Kröyer, sérfræðing í teymi mengunareftirlits. 

Vilja auka þekkingu á vönduðum vinnubrögðum

Markmið félagsins er ætlað að stuðla að aukinni þekkingu vönduðum vinnubrögðum í málefnum mengunar í jarðvegi, yfirborðs- og jarðvatni. Félaginu er einnig ætlað að stuðla að auknu samráði og samstarf ólíkra aðila í málefnum er varða mengun. 

Á dagskrá er að halda fræðslu viðburð fyrir félagsmenn á vormánuðum. 

Stofnfélagar eru:

• Erla Guðrún Hafsteinsdóttir, formaður, Verkís
• Guðjón Ingi Eggertsson, ritari. Heilbrigðiseftirlit Reykjavíkur
• Halldóra Björk Bergþórsdóttir, varamaður, VSÓ
• Helga Jóna Jónasdóttir, meðstjórnandi, Vegagerðin
• Kristín Kröyer, gjaldkeri, Umhverfisstofnun
• Ríkharður Friðriksson, meðstjórnandi, Heilbrigðiseftirlit Garðabæjar, Hafnafjarðar, Kópavogs, Mosfellsbæjar og Seltjarnarnes

Sækja um aðild

Hægt er að sækja um aðild að félaginu á heimasíðu félagsins fumis.is eða með því að senda beiðni um aðild á fumis@fumis.is. Aðild að félaginu er kostnaðarlaus.