Veiðimenn eru hvattir til að senda inn helsingjavængi eða myndir til rannsókna.

Leiðbeiningar um hvernig skal senda inn

Arnór Þórir Sigfússon, fuglafræðingur, hefur um langt árabil átt í farsælu samstarfi við veiðimenn um söfnun gæsavængja. Hann notar vængina til að meta ungahlutfall í stofnunum. 

Niðurstöður Arnórs fyrir árið 2023 voru að ungahlutfall hjá grágæs hafi verið 48% og hjá heiðagæs 32%. Þetta er yfir meðaltali síðustu ára hjá báðum tegundum.

Árið 2023 var ungahlutfall hjá helsingjum um 35% sem er vel yfir meðallagi, en meðaltal hjá helsingja er um 27%. Það eru sannarlega gleðilegar fréttir eftir að ungahlutfallið fór niður í 15% í fuglaflensunni.

Umhverfisstofnun hvetur veiðimenn til að leggja Arnóri lið og senda inn vængi eða myndir.