Umsjón og þjónusta

Umhverfisstofnun hefur umsjón og eftirlit með Geysissvæðinu. Það er landvarsla á svæðinu allt árið um kring og sjá landverðir meðal annars um viðhald svæðisins og upplýsingagjöf.

Rétt fyrir utan friðlýsta svæðið eru Hótel Geysir, Hótel Litli Geysir og verslanir og veitingahús í Geysir Center.

Bensínstöð er við Geysi og er það síðasta bensínstöð áður en haldið er á Kjöl.

Það er eitt tjaldsvæði innan friðlýsta svæðisins sem Hotel Geysir rekur. Það er staðsett undir suðurhlíðum Laugarfjalls.