Skil á gögnum

Nauðsynlegt er að skila vöktunargögnum til að geta metið ástand vatnshlota en með vöktunargögnum eru vatnshlot ástandsflokkuð í samræmi við ákvæði laga stjórnar vatnamála og fylgst með mögulegum breytingum eða áhrifum á vatn vegna álags. Mengandi starfsemi hefur þá skyldu að vakta áhrif sín á umhverfið og er nú vinna í gangi við að innleiða kröfur stjórnar vatnamála í starfsleyfi mengandi iðnaðar. Samtímis er verið að straumlínulaga og auðvelda ferlið við skil á gögnum í gegnum Skilagátt stjórnar vatnamála. Jafnframt geta vöktunaraðilar t.d. verkfræðistofur, sveitarfélög, ríkisstofnanir, heilbrigðiseftirlit og náttúrustofur skilað inn vöktunargögnum í skilagáttina.  
  
Umhverfisstofnun hefur gert leiðbeiningar um hvernig skila eigi gögnum en fyrsta skrefið er að fá aðgang að Skilagáttinni í gegnum island.is.  

• Leiðbeiningar um skil á gögnum 
• Umsókn um aðgang að Skilagátt (island.is)
• Skilagátt stjórnar vatnamála (fyrir aðila sem eru þegar komnir með aðgang að Skilagáttinni)