Umhverfisstofnun auglýsir tillögu að nýju starfsleyfi fyrir olíubirgðastöð EBK ehf. Fálkavelli 8, Keflavíkurflugvelli. Starfsleyfi EBK ehf. fyrir olíugeyma fyrir flugvélaeldsneyti er enn í gildi. Vegna stækkunar stöðvarinnar er þó þörf á nýju starfsleyfi þar sem bæst hefur við nýr geymir í stöðina.

Starfsleyfistillagan gerir ráð fyrir að heimilt sé geyma allt að 7.116 m³ af olíu í stöðinni. Stærsti geymirinn er 3.800 m³.

Tillaga að starfsleyfi ásamt umsókn og grunnástandsskýrslu frá rekstraraðila verður aðgengileg á vefsíðu Umhverfisstofnunar á tímabilinu 21. desember 2020 til 21. janúar 2021 og gefst á þeim tíma tækifæri til að koma með athugasemdir áður en ákvörðun um útgáfu starfsleyfisins verður tekin.

Athugasemdir við starfsleyfistillöguna skulu vera skriflegar og sendar Umhverfisstofnun. Greinargerð mun fylgja starfsleyfi við útgáfu sbr. 6. gr. reglugerðar nr. 550/2018. Frestur til að skila inn athugasemdum er til og með 21. janúar 2021.

Tengd skjöl:
Umsókn um starfsleyfi
Tillaga að starfsleyfi
Grunnástand svæðis
Losun