Umhverfistofnun - Logo

Stök frétt

Umhverfisstofnun auglýsir tillögu að starfsleyfi Skútustaðahrepps fyrir urðunarstað í Kollóttuöldu á Hólasandi. Starfsleyfistillagan gerir ráð fyrir að heimilt verði að urða 370 tonn af óvirkum úrgangi á ári. Urðunarstaðurinn telst vera í afskekktri byggð og er því gert ráð fyrir að undanþágur verði veittar frá ýmsum sértækum kröfum sem að öðrum kosti eru gerðar til urðunarstaða.

Tillagan ásamt umsókn rekstraraðila verður aðgengileg á vefsíðu Umhverfisstofnunar á tímabilinu 17. september til og með 17. október 2021. Athugasemdir við starfsleyfistillöguna skulu vera skriflegar og sendar Umhverfisstofnun (ust@ust.is) merkt UST202102-429, umsagnir verða birtar við útgáfu nema annars sé óskað.

Greinargerð mun fylgja starfsleyfi við útgáfu sbr. 6. gr. reglugerðar nr. 550/2018.

Tengd skjöl:
Starfsleyfistillaga
Umsókn um starfsleyfi