Þann 29 nóvember sl. gaf Umhverfisstofnun út leyfi til Háskóla Íslands fyrir afmarkaðri starfsemi með erfðabreyttar örverur á tilraunastöð Háskóla Íslands í meinafræði að Keldum. Um er að ræða rannsóknir á mæði-visnuveiru og herpes hestaveiru. Tilgangur rannsóknanna er annars vegar að rannsaka eðli og eiginleika mæði-visnuveirunnar og hins vegar að þróa bóluefni við sumarexemi í hrossum og til rannsókna á sýkiferli. Umsagnaraðilar voru Ráðgjafanefnd um erfðabreyttar lífverur og Vinnueftirlitið. Leyfið er gefið út á grundvelli laga um erfðabreyttar lífverur nr. 18/1996, reglugerðar nr. 275/2002 um afmarkaða notkun erfðabreyttra örvera og reglugerðar nr. 785/1999 um starfsleyfi fyrir atvinnurekstur sem getur haft í för með sér mengun, og er veitt til 10 ára.

Tengt efni

• Leyfi til Háskóla Íslands (PDF, 175 KB)
• Umsögn ráðgjafanefndar um erfðabreyttar lífverur um starfsemi með herpes hestaveiru (PDF, 66 KB)
• Umsögn ráðgjafanefndar um erfðabreyttar lífverur um starfsemi með mæði-visnuveiru (PDF, 69 KB)
• Umsögn Vinnueftirlitsins (PDF, 37 KB)