Umhverfisstofnun hefur borist umsókn um nýtt starfsleyfi fyrir Al Álvinnslu ehf. á Grundartanga (áður Kratus ehf.). Um er að ræða endurvinnslu á álgjalli með tvenns konar hætti, annars vegar með saltlausum feril og hins vegar með salti sem hjálparefni. Sótt er um leyfi fyrir móttöku og vinnslu á 10.000 tonnum af álgjalli ásamt 1.500 tonnum af álflökum frá álverum og 1.500 tonnum af brotaáli á ársgrundvelli. 
Unnið er úr umsókn og gerð starfsleyfistillögu. Tillaga að starfsleyfi verður auglýst opinberlega þegar hún liggur fyrir og gefst þá öllum tækifæri að koma með athugasemdir áður en ákvörðun um útgáfu starfsleyfisins verður tekin.