Umhverfistofnun - Logo

Stök frétt

Vegna smölunar í Friðlandi að Fjallabaki laugardaginn 18. september vill Umhverfisstofnun koma eftirfarandi tilmælum á framfæri til fólks og ferðaþjónustuaðila sem hyggja á ferðalag í friðlandið. Á meðan á smölun stendur á svæðinu austan við Bláhnúk í Landmannalaugum er fólk vinsamlegast beðið um að vera ekki á ferðinni á því svæði umræddan dag af tillitssemi við smala og búfénað.

Um er að ræða gönguleiðir um Bláhnúk, Skallahring, að Grænahrygg og í Hattver um Halldórsgil og Jökulgil. Í Friðlandi að Fjallabaki eru margar gönguleiðir í boði. Hér má nálgast kort og aðrar upplýsingar um friðlandið.

Nánari upplýsingar veita landverðir í síma 822-4083 eða gegnum netfangið fjallabak.ranger@ust.is