Innskráning
Gagnagátt Þjónustugátt
Takki á minar.stillingar.is
close menu

Mannauður

Vinnustaðurinn

Umhverfisstofnun er kjarninn í umhverfis- og náttúruvernd á Íslandi. Stofnunin gegnir lykilhlutverki í því að tryggja gæði umhverfisins og stuðla að verndun náttúrunnar. Starfsemi okkar er staðsett á níu starfsstöðvum um land allt, þar sem við leggjum ríka áherslu á að skapa verkefnamiðað vinnuumhverfi sem styður við framsækni og samvinnu.

Mannauður Umhverfisstofnunar er grunnstoðin að árangri okkar. Við stefnum að því að vera fyrirmyndarstofnun í þjónustu og eftirsóknarverður vinnustaður þar sem hæfileikaríkt og drífandi fólk þrífst.

Meðalaldur starfsfólks okkar er 42 ár, og við erum á bilinu 120-150 starfsmenn sem deilum ástríðu fyrir umhverfisvernd. Við viljum besta starfsfólkið, óháð staðsetningu, og leggjum okkur fram um að öllum líði vel í vinnunni. Starfsstöðvar okkar eru víðs vegar um landið.

Yfirlandvörður á Norðurlandi eystra

Umsóknarfrestur

07.11.2024 til 18.11.2024

Inngangur

Umhverfisstofnun leitar að öflugum einstaklingi til að hafa umsjón með friðlýstum svæðum í Þingeyjarsveit. Starfsaðstaðan er á Gíg í Mývatnssveit.
Umhverfisstofnun hefur umsjón með yfir hundrað náttúruverndarsvæðum á Íslandi. Okkar helstu verkefni snúa að verndun friðlýstra svæða og þjónustu við gesti þeirra. Verndarsvæðin sem um ræðir eru meðal annars við Mývatn og Goðafoss og heyra undir Umhverfisstofnun og mun yfirlandvörður vinna í teymi á sviði náttúruverndar þar sem áhersla er lögð á þverfaglega teymisvinnu og víðtæka samvinnu innri og ytri aðila. Í boði er fjölbreytt og krefjandi starf þar sem tækifæri verður til þátttöku í uppbyggingu starfseminnar á Norðurlandi eystra. Við leitum að jákvæðum einstakling með hæfni og áhuga á að skipuleggja og leiða störf landvarða.

Helstu verkefni og ábyrgð

  • Dagleg umsjón og eftirlit verndarsvæðanna
  • Dagleg umsjón og skipulagning verkefna landvarða og sjálfboðaliða 
  • Eftirlit með ástandi náttúru og menningarminja ásamt viðahaldi og endurheimt náttúrugæða 
  • Gæta þess að ákvæðum náttúruverndarlaga og sérlaga, friðlýsingarskilmála og stjórnunar- og verndaráætlana svæða sé fylgt
  • Eftirlit með öryggi gesta
  • Upplýsa og fræða gesti um náttúru og sögu svæðanna, m.a. með fræðslugöngum
  • Sinna eftirliti og viðhaldi innviða  
  • Taka landvarðavaktir yfir háannatíma
  • Þátttaka í gerð og miðlun fræðsluefnis 

Hæfniskröfur

  • Menntun og þekking sem nýtist í starfi
  • Landvarðanámskeið eða nám sem Umhverfisstofnun telur samsvarandi 
  • Gild ökuréttindi
  • Gild skyndihjálparréttindi
  • Þekking á náttúruvernd og umhverfismálum 
  • Reynsla af landvörslustörfum 
  • Framúrskarandi færni í mannlegum samskiptum og þjónustulund
  • Frumkvæði, metnaður og sjálfstæð vinnubrögð
  • Gott vald á íslensku og ensku. Frekari tungumálakunnátta er kostur
  • Þekking á viðkomandi starfssvæði er kostur

Tengiliðir

Inga Dóra Hrólfsdóttir - inga.dora.hrolfsdottir@umhverfisstofnun.is - 5912000

Þóra Margrét Pálsdóttir Briem - thora.m.briem@umhverfisstofnun.is - 5912000

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélags hafa gert.

Næsti yfirmaður er Dagbjört Jónsdóttir svæðissérfræðingur sem veitir upplýsingar um starfið auk Ingu Dóru Hrólfsdóttur sviðsstjóra í síma 591 2000. 

Umhverfisstofnun er fjölbreyttur og lifandi vinnustaður. Við búum yfir fjölbreyttri sérfræðiþekkingu og höfum tækifæri til að þróast í starfi, m.a. með virkri endurmenntun. 

Við störfum í teymum, vítt og breitt um landið á 9 starfsstöðvum og eftir vottuðum gæðakerfum. Við erum með jafnlaunavottun, virka umhverfisstefnu og störfum samkvæmt Grænum skrefum, sjá graenskref.is. Við leggjum áherslu á stafræna þróun og tekið er fagnandi á móti nýju fólki sem hefur þekkingu og áhuga á stafrænum lausnum. 

Í júní sl. voru samþykkt lög á Alþingi um breytingar á stofnanaskipulagi umhverfis-, orku- og loftslagsráðuneytisins. Samkvæmt þeim mun sá hluti Umhverfisstofnunar er auglýst starf tilheyrir sameinast Vatnajökulsþjóðgarði í nýja Náttúruverndarstofnun um næstu áramót. 

Sjá nánari upplýsingar um Umhverfisstofnun á umhverfisstofnun.is

Laun eru samkvæmt kjarasamningi fjármála- og efnahagsráðherra og hlutaðeigandi stéttarfélags. Gagnkvæmur reynslutími er sex mánuðir við ráðningu. Æskilegt er að starfsmaðurinn geti hafið störf sem fyrst. Umsóknir geta gilt í 6 mánuði frá því að umsóknarfrestur rennur út. 

Við hvetjum áhugasama til að sækja um, óháð kyni og uppruna.  

Starfshlutfall er 100%

Umsóknarfrestur er til og með 18.11.2024

Sækja um

Sérfræðingur í vinnslu starfsleyfa

Umsóknarfrestur

15.11.2024 til 25.11.2024

Inngangur

Umhverfisstofnun veitir fjölbreytta þjónustu og tekur ákvarðanir er varða umhverfisgæði og náttúruvernd. Teymi starfsleyfa og umsagna gegnir lykilhlutverki fyrir heilnæmi og verndun umhverfis. Stafræn þróun er áhersluverkefni hjá stofnuninni og við tökum fagnandi á móti nýju fólki sem hefur þekkingu og áhuga á stafrænum lausnum. Stofnunin er mönnuð öflugu fólki á starfsstöðvum um allt land.

Hjá Umhverfisstofnun er laust til umsóknar starf sérfræðings í vinnslu starfsleyfa fyrir mengandi starfsemi  með áherslu á niðurdælingu koltvísýrings ásamt ritun umsagna, m.a. vegna umhverfismats. Stofnunin  gefur út starfsleyfi fyrir rekstraraðila í starfsemi sem felur í sér losun mengandi efna og annars umhverfisálags. Útgáfa starfsleyfa byggir m.a. á löggjöf Evrópska efnahagssvæðisins og stefnu stjórnvalda þar um. Starfið eru á sviði efna, starfsleyfa og veiðistjórnunar í teymi starfsleyfa og umsagna. Sérfræðingurinn mun einnig taka þátt í vinnu við endurskoðun laga og reglugerða og rýni verkefni annara sérfræðinga í teyminu.

Hvar má bjóða þér að vinna?

 Um áramót mun auglýst starf tilheyra nýrri Umhverfis- og orkustofnun sem verður til úr hluta Umhverfisstofnunar og Orkustofnun. Hægt er að velja um staðsetningu þar sem ný stofnun verður með starfsstöðvar og stendur valið um Akureyri, Selfoss, Hvanneyri, Egilsstaði, Mývatnssveit eða Reykjavík.
 

Helstu verkefni og ábyrgð

  • Móttaka og vinnsla starfsleyfisumsókna fyrir mengandi starfsemi
  • Samskipti við umsóknaraðila og samstarfsaðila
  • Umsagnir s.s. vegna umhverfismats framkvæmda og áætlana
  • Fjölbreytt greiningarvinna í verkefnum teymisins
  • Teymisvinna um verkefni og umbætur

Hæfniskröfur

  • Menntun á sviði jarðvísinda, verkfræði eða önnur menntun sem nýtist í starfi, meistaragráða er æskileg
  • Þekking og/eða reynsla af jarðhitarannsóknum og/eða jarðhitavinnslu er kostur
  • Gott vald á íslensku og ensku bæði í ræðu og riti er nauðsynlegt
  • Góð samstarfshæfni og sveigjanleiki í samskiptum
  • Skipulögð og sjálfstæð vinnubrögð
  • Þekking á opinberri stjórnsýslu er kostur
  • Haldbær þekking á einu Norðurlandamáli er kostur

Tengiliðir

Skúli Þórðarson - skuli.thordarson@umhverfisstofnun.is - 5912000

Þóra Margrét Pálsdóttir Briem - thora.m.briem@umhverfisstofnun.is - 5912000

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélags hafa gert.

Næsti yfirmaður sérfræðingsins er Skúli Þórðarson sviðsstjóri, en Sverrir Aðalsteinn Jónsson teymisstjóri  veitir einnig nánari upplýsingar um starfið auk Þóru Margrétar Pálsdóttur Briem mannauðsstjóra í síma 591 2000.
Umhverfisstofnun er fjölbreyttur og lifandi vinnustaður. Við búum yfir fjölbreyttri sérfræðiþekkingu, höfum tækifæri til að þróast í starfi og ástunda endurmenntun. 
Við störfum í teymum, vítt og breitt um landið á mörgum starfsstöðvum og eftir vottuðum gæðakerfum. Við erum með jafnlaunavottun, með virka umhverfisstefnu og störfum samkvæmt Grænum skrefum, graenskref.is. Sjá nánari upplýsingar um Umhverfisstofnun á umhverfisstofnun.is
Laun eru samkvæmt kjarasamningi fjármála- og efnahagsráðherra og hlutaðeigandi stéttarfélags. Gagnkvæmur reynslutími er sex mánuðir við ráðningu. Æskilegt er að sérfræðingurinn geti hafið störf sem fyrst. Umsóknir geta gilt í 6 mánuði frá því að umsóknarfrestur rennur út.
 

Við hvetjum áhugasöm til að sækja um, óháð kyni og uppruna. 

Starfshlutfall er 100%

Umsóknarfrestur er til og með 25.11.2024

Sækja um

Umhverfisvænn og barnvænn vinnustaður

Við erum stolt af því að vera umhverfisvænn vinnustaður, með Svansvottun, ISO 14001 umhverfisstjórnunarkerfi, og þátttöku í verkefninu Græn Skref. Umhverfisvænn lífsstíll er einnig studdur með vegan úrvali í matsalnum okkar á Suðurlandsbraut og samgöngusamningum sem hvetja til umhverfisvænna ferðamáta. 

Auk þess erum við barnvænn vinnustaður, sem tryggir sveigjanleika og stuðning við fjölskyldulíf starfsmanna.

Sveigjanlegt og heilsueflandi vinnuumhverfi

Umhverfisstofnun býður upp á sveigjanlegan vinnutíma með 36 stunda vinnuviku, og fjarvinnuheimild 1-2 daga í viku fyrir mörg störf.

Heilsuefling er hjartans mál og bjóðum við íþróttastyrki fyrir starfsfólk okkar, ásamt þátttöku í viðburðum eins og „Hjólað í vinnuna“, þar sem Umhverfisstofnun hlaut 1. sætið í sínum flokki árið 2022! 

Sjá einnig: Starfsfólk Umhverfisstofnunar toppar Snæfelljökul

Fyrirmyndarstofnun í þjónustu

Við leggjum mikla áherslu á að vera fyrirmyndarstofnun í þjónustu. Markmið okkar er að efla úrvinnslu og miðlun upplýsinga til hagaðila og tryggja að allar ákvarðanir og aðgerðir séu byggðar á áreiðanlegum gögnum og faglegri þekkingu.

Gæðastjórnunarstaðallinn ISO 9001 og jafnlaunavottun okkar eru dæmi um það hvernig við tryggjum jafnræði og gæði í allri okkar starfsemi.

Tengt efni: