Umhverfisstofnun hefur tekið ákvörðun um útgáfu á starfsleyfi Kristínar Óskar Matthíasdóttur, Seftjörn 1 í Vatnsfirði fyrir landeldi á bleikju með allt að 20 tonna hámarkslífmassa á hverjum tíma.

Tillaga að starfsleyfi var auglýst á tímabilinu 4. október til og með 4. nóvember sl. þar sem hægt var að senda inn athugasemdir vegna hennar. Engar athugasemdir bárust vegna tillögunnar á auglýsingatíma. Greinargerð vegna útgáfunnar fylgir aftast í starfsleyfinu, sbr. 6. gr. reglugerðar nr. 550/2018.

Ákvörðun Umhverfisstofnunar er kæranleg til úrskurðarnefndar umhverfis- og auðlindamála innan eins mánaðar frá birtingu ákvörðunar stofnunarinnar skv. 1. mgr. 65. gr. laga nr. 7/1998, um hollustuhætti og mengunarvarnir, sbr. 4. gr. laga nr. 130/2011, um úrskurðarnefnd umhverfis- og auðlindamála.

Tengd skjöl:
Starfsleyfi – Kristín Ósk Matthíasdóttir