Umhverfisstofnun hefur tekið ákvörðun um útgáfu á breyttu starfsleyfi Arctic Sea Farm hf. í Ísafjarðardjúpi vegna sjókvíaeldis á laxfiskum. Tillaga að starfsleyfi var auglýst á tímabilinu 5. júní til og með 3. júlí 2023 þar sem hægt var að senda inn athugasemdir vegna hennar. Athugasemdir bárust frá nokkrum aðilum og er gerð grein fyrir þeim í greinargerð en einnig er hægt að skoða þær í hlekk hér að neðan.
Greinargerð vegna útgáfunnar fylgir aftast í starfsleyfinu, sbr. 6. gr. reglugerðar nr. 550/2018.
Ákvörðun Umhverfisstofnunar er kæranleg til úrskurðarnefndar umhverfis- og auðlindamála innan eins mánaðar frá birtingu ákvörðunar stofnunarinnar skv. 1. mgr. 65. gr. laga nr. 7/1998, um hollustuhætti og mengunarvarnir, sbr. 4. gr. laga nr. 130/2011, um úrskurðarnefnd umhverfis- og auðlindamála.

Ákvörðun um útgáfu
Starfsleyfi Arctic Sea Farm hf. Ísafjarðardjúpi, breytt
Vöktunaráætlun
Mat á áhrifum starfseminnar á vatnshlotið
Athugasemdir
Auglýsing tillögu að breytingu á starfsleyfi