Fréttir

Umhverfisstofnun hefur áminnt Ísfélag Vestmannaeyja hf. fyrir starfsstöð sína í Vestmannaeyjum og krafist úrbóta vegna fráviks sem kom í ljós við eftirlit.

Umhverfisstofnun auglýsir tillögu að nýju starfsleyfi fyrir Primex ehf. en núverandi starfsleyfi rennur út á næsta ári. Við gerð starfsleyfisins voru helstu umhverfisþættir hennar skoðaðir, sem eru að mati Umhverfisstofnunar fráveita og hætta á lyktarmengun.

Umhverfisstofnun hefur móttekið umsókn Síldarvinnslunnar hf. að endurnýjun starfsleyfis fyrir fiskimjölsverksmiðju fyrirtækisins á Neskaupstað. Í tillögunni er lagt til að rekstraraðila sé heimilt að framleiða fiskimjöl og lýsi úr allt að 1400 tonnum af hráefni á sólarhring.

Umhverfisstofnun leitar að starfsmanni með áhuga og þekkingu á málefnum hafsins. Um er að ræða framtíðarstarf. Í boði er krefjandi starf í frjóu umhverfi sérfræðinga, þar sem áhersla er lögð á opin samskipti, þverfaglega vinnu, erlent samstarf og möguleika á að hafa áhrif á þróun starfs.

Umhverfisstofnun hefur gefið út starfsleyfi fyrir bikbirgðastöð Hlaðbæjar-Colas hf. í Hafnarfirði. Tillagan var auglýst á tímabilinu 3. október til 28. nóvember s.l.

Umhverfisstofnun hefur veitt Matorku ehf., Fellsmúla starfsleyfi fyrir rekstur fiskeldisstöðvar, að Fellsmúla í Landsveit. Nýja leyfið veitir heimild til að framleiða allt að 350 tonn samanlagt af bleikju- og borraseiðum í fiskeldisstöð sinni.

Lögfræðingar Umhverfisstofnunar áttu fund með embættum Sérstaks saksóknara og Ríkissaksóknara í húsakynnum Umhverfisstofnunar í fyrradag. Tilgangur fundarins var að ræða um umhverfisbrot með auðgunarásetningi.

Umhverfisstofnun hefur birt skýrslu með niðurstöðum könnunar á þekkingu iðnaðar og verslunar um þær skyldur sem gilda um markaðssetningu efnavara.

Margsinnis höfum við lesið um hörmuleg áhrif loftlagsbreytinga í skýrslum alþjóðastofnanna og vísindarannsóknum. En hvernig væri að sjá með eigin augum hvernig loftlagsbreytingarnar geta þróast allt til loka 21. aldarinnar ef mannkynið gerir ekki neitt til að sporna við þeim?

Að gefnu tilefni vill Umhverfisstofnun ítreka að neðri malarstígurinn við Gullfoss er lokaður.

17. ársfundur Umhverfisstofnunar og náttúruverndarnefnda sveitarfélaga var haldinn þann 6. nóvember síðastliðinn. Þema fundarins að þessu sinni var Hlutverk náttúruverndarnefnda. Sveitarfélagið Rangarþing eystra var gestgjafi að þessu sinni og var fundurinn haldinn í félagsheimilinu Hvoli, Hvolsvelli.

Sæfivörur eru fjölbreyttur hópur efnavara sem innihalda eitt eða fleiri virk efni sem ætlað er að eyða hættulegum lífverum, bægja þeim frá eða gera þær skaðlausar. Dæmi um sæfivörur eru skordýraeitur og viðarvarnarefni.

Ríki Evrópu gætu sparað gríðarlegar fjárhæðir árlega ef dregið yrði úr notkun á hormónaraskandi efnum. Þetta kemur fram í nýrri skýrslu Norrænu ráðherranefndarinnar sem kallast The cost of Inaction eða Kostnaður aðgerðarleysis.

Umhverfisstofnun hefur nú hafið vinnu við gerð verndar- og stjórnunaráætlunar fyrir náttúruvættið Dynjanda.

Vel sóttur fundur var á Veðurstofunni í gær um áhrif og eðli brennisteinsdíosxíðsmengunarinnar og hér má sjá upptöku frá honum. Fullt var í salnum og um 400 manns fylgdust með fundinum í beinni útsendingu á vefnum. Á fundinum komu fram bæði gagnlegar og fræðilegar upplýsingar um mengunina frá Veðurstofunni, Umhverfisstofnun, Sóttvarnalækni, Vinnueftirlitinu og Almannavörnum.

Við bæinn Smáratún er rekið fyrirmyndar sveitahótel sem ber nafnið Hótel Fljótshlíð. Hótelið er þriðja Svansvottaða hótelið utan höfuðborgarsvæðisins og það sjöunda á Íslandi. Hótel Fljótshlíð er þar að auki fyrst til að hljóta vottun samkvæmt nýlega endurskoðuðum og hertum reglum Svansins fyrir hótel, veitingarekstur og ráðstefnurými.

Fjarðalax ehf. hefur leitað til Umhverfisstofnunar og óskað eftir því að starfsleyfi sem gefið var út þann 29. febrúar 2012 vegna starfsleyfis fyrirtækisins í Fossfirði, verði breytt. Breytingin sem óskað er eftir varðar að í núverandi starfsleyfi eru mörk framleiðsu á laxi 1.500 tonn á ári, en vegna eldisaðferða rekstraraðila og þess að hvert eldissvæði er hvílt þriðja hvert ár óskar Fjarðalax eftir breytingu á starfsleyfinu sem geri ráð fyrir að heimild sé til þess að framleiða 4.500 á þriggja ára tímabili.

Umhverfisstofnun opnaði í dag, 14. nóvember 2014, sérstaka sýningu um Surtsey í Eldheimum í Vestmannaeyjum.

Umhverfisstofnun fór nýverið í eftirlit hjá 7 fyrirtækjum sem setja plöntuverndarvörur á markað og skoðaði hvort vörur hefðu tilskilin leyfi til að mega vera á markaði og hvort merkingar á plöntuverndarvörur væru samkvæmt reglum.

Það er fastur liður hjá Umhverfisstofnun að halda Töðugjöld ár hvert og fagna vel unnum störfum landvarða stofnunarinnar. Landverðir komu saman sl. föstudag og gerðu sér glaðan dag, báru saman bækur sínar og sögðu frá því helsta sem bar á góma í landvörslu sumarsins.

Umhverfisstofnun auglýsir tillögu að nýju starfsleyfi fyrir birgðastöð Olíudreifingar ehf. á Litla-Sandi í Hvalfirði en núverandi leyfi er að renna út. Sú breyting hefur orðið á málefnum stöðvarinnar að Olíudreifing telur að reynslan hafi sýnt að ekki er þörf á undanþágu í stöðinni vegna svonefndra VOC-efna, samanber kröfur í reglugerð nr. 252/1999, um varnir við losun rokgjarnra lífrænna efnasambanda (VOC), við geymslu á bensíni og dreifingu þess frá birgðastöðvum til bensínstöðva.

Umhverfisstofnun hefur veitt Síldarvinnslunni hf. starfsleyfi fyrir rekstur fiskimjölsverksmiðju við Strandarveg 1-11 á Seyðisfirði. Nýja leyfið veitir heimild til að framleiða úr allt að 1400 tonnum af hráefni á sólarhring, líkt og eldra starfsleyfi verksmiðjunnar sem er nú fallið úr gildi.

Umhverfisstofnun vekur athygli neytenda á því að Kostur hefur innkallað blautþurrkur af gerðinni Kirkland Signature baby wipes. Ástæða innköllunarinnar er sú að blautþurrkurnar innihalda rotvarnarefnið lodopropynyl butylcarbamate sem samkvæmt snyrtivörureglugerð (EB) nr. 1223/2009 er ekki leyfilegt að nota í vörur sem ætlaðar eru börnum yngri en þriggja ára.

Norrænu samstarfsráðherrarnir lofuðu Svaninn í hástert þegar haldið var upp á 25 ára afmæli merksins í Stokkhólmi. „ Svanurinn er norrænt ofurmerki“, segir Sigurður Ingi Jóhannsson, umhverfisráðherra.

Síðustu fjögur ár hefur fyrsta helgin í október verið tileinkuð náttúruvernd undir slagorðinu "Græna Helgin" en helgin er kölluð "Big Green Weekend" á frummálinu. Umhverfisstofnun tók þátt í Grænu helginni fjórða árið í röð en stofnunin hefur skipulagt viðburði á friðlýstum svæðum á haustdögum síðan 2011, í tengslum við Grænu helgina. Hefur Umhverfisstofnun gert það að markmiði að Græna helgin efli þátttöku heimafólks í sjálfboðaliðastarfi í þágu náttúruverndar.

Frá því að Þjóðgarðurinn Snæfellsjökull var stofnaður árið 2001 hefur Skúli Alexandersson verið fullltrúi ferðamálasamtaka Snæfellsness í ráðgjafarnefnd Þjóðgarðsins og Ólína B. Kristinsdóttir verið fulltrúi Snæfellsbæjar í sömu nefnd.

Framundan er fyrsta rjúpnahelgin í ár. Ætla má því að fjöldi veiðimanna séu að yfirfara útbúnað sinn til veiðana og skipuleggja veiðferðir. Rjúpnaveiðar eru líkamlega erfiðar og krefjast úthalds og útbúnaðar við hæfi. Það er margt líkt með rjúpnaveiðum og fjallgöngu.

Almannavarnir, Umhverfisstofnun, Samband íslenskra sveitarfélaga og Sóttvarnalæknir hafa fengið nokkuð af fyrirspurnum frá leik- og grunnskólum um hvar upplýsingar megi finna varðandi gosmengunina.

Umhverfisstofnun vekur athygli neytenda á því að Nathan & Olsen hf. hefur innkallað af markaði Neutral Roll-on svitalyktareyði með eftirfarandi lotunúmerum

Umhverfisstofnun og Landgræðslan, í samstarfi við Ferðamálastofu, gangast fyrir málþingi um áhrif ferðamannsins á náttúru Íslands. Fjallað verður um það álag sem íslensk náttúra verður fyrir við aukinn ágang ferðamanna og hvaða leiðir eru færar til að bregðast við.

Rjúpnaveiðar munu hefjast föstudaginn 24. október. Heimilt er að veiða í samtals tólf daga sem skiptast á fjórar þriggja daga helgar fram til 16. nóvember. Á síðasta ári ákvað ráðherra fyrirkomulag rjúpnaveiða til þriggja ára.

Umhverfisstofnun hefur veitt HB Granda hf. starfsleyfi fyrir rekstur fiskimjölsverksmiðju við Hafnarbyggð 7 á Vopnafirði. Nýja leyfið veitir heimild til að framleiða úr allt að 1.150 tonnum af hráefni á sólarhring, en eldra leyfi verksmiðjunnar heimilar framleiðslu úr allt að 850 tonnum á sólarhring.

Frá og með næstu áramótum verður bannað að nota ósoneyðandi efni við áfyllingar á búnað á borð við kæli- og loftræstikerfi.

Rík hefð er fyrir því að sjálfboðaliðar á vegum Umhverfisstofnunar vinni á hálendissvæðum á Austurlandi. Í ár efldist starf Sjálfboðaliða UST til muna í þessum landshluta þegar sjálfboðaliðahópar voru sendir á tvö friðlýst svæði sem eru í umsjón sveitafélaga á Austurlandi. Er þar annars vegar um að ræða Teigarhorn í umsjá Djúpavogshrepps og Hólmanes í umsjá Fjarðarbyggðar.

Umhverfisstofnun hefur unnið tillögu að starfsleyfi fyrir Dýrfisk hf. til framleiðslu á allt að 4.000 tonnum á ári af regnbogasilungi í Ísafjarðardjúpi, við Snæfjallaströnd. Dýrfiskur hf. hóf eldi á regnbogasilungi í sjókvíum í Dýrafirði haustið 2009.

Umhverfisstofnun hefur veitt Loðnuvinnslunni hf. starfsleyfi fyrir rekstur fiskimjölsverksmiðju við Skólaveg 59 á Fáskrúðsfirði. Nýja leyfið veitir heimild til að framleiða úr allt að 1000 tonnum af hráefni á sólarhring, líkt og eldra starfsleyfi verksmiðjunnar sem er nú fallið úr gildi.

Plast leikur stórt hlutverk í daglegu lífi okkar og mun gera það um fyrirsjáanlega framtíð. Vitað er að plastúrgangur í hafinu hefur neikvæð áhrif á auðlindir hafsins og á sjávarútveg, svo og á nýtingu strandsvæða fyrir almenning og ferðaþjónustu. Nauðsynlegt er að draga úr þessum áhrifum.

Umhverfisstofnun hefur unnið tillögu að starfsleyfi fyrir bikbirgðastöð Malbikunarstöðvarinnar Hlaðbær-Colas hf. í Hafnarfirði.

Umhverfisstofnun hefur veitt Vinnslustöðinni í Vestmannaeyjum starfsleyfi fyrir rekstur fiskimjölsverksmiðju við Hafnargötu 2 í Vestmannaeyjum. Nýja leyfið veitir heimild til að framleiða úr allt að 1.200 tonnum af hráefni á sólarhring, líkt og eldra starfsleyfi verksmiðjunnar sem er nú fallið úr gildi.

Umhverfisstofnun hefur gefið út leyfi til Lífefna- og sameindalíffræði Læknadeildar Háskóla Íslands fyrir afmarkaðri starfsemi með erfðabreyttar mýs (mus musculus) í dýraaðstöðu Háskóla Íslands í VRIII, Hjarðarhaga 2-6.

Sjálfboðaliðar Umhverfisstofununar komu að fjölmörgum verkefnum á hálendinu í sumar, í samstarfi við landverði Vatnajökulsþjóðgarðs. Samtals voru unnar 271 mannvikur eða 1355 vinnudagar.

Umhverfisstofnun hefur unnið tillögu að starfsleyfi fyrir Ís 47 ehf. til framleiðslu á allt að 1.200 tonnum af þorski (áframeldi) og regnbogasilungi í sjókvíum í Önundarfirði.

Á allra næstu dögum munUmhverfisstofnun í samstarfi við Almannavarnadeild ríkislögreglustjóra auka stórlega vöktun á styrk brennisteinsdíoxíðs (SO2) frá eldgosinu í Holuhrauni. Keyptir hafa verið 40 mælar og verður mælingin í höndum þeirra sem starfa að almannavörnum á hverjum stað, s.s lögreglu.

Sumarið líður fljótt og á hverju sumri keppast sjálfboðaliðar Umhverfisstofnunar við að klára þær framkvæmdir sem fyrirhugaðar eru á friðlýstum svæðum ár hvert. Í sumar hafa rúmlega 100 sjálfboðaliðar lagt okkur lið og unnið á Vestfjörðum, Suðurlandi, Austfjörðum, Vesturlandi, hálendinu og voru tveir hópar samankomnir á Norðurlandi Eystra til að vinna síðustu verk sumarsins. Sjálfboðaliðasumrinu lauk því í norðlenskri blíðu en tólf sjálfboðaliðar unnu á Mývatni og 11 í Ásbyrgi tvær vikur í ágúst.

Umhverfisstofnun hefur gefið út leyfi til ArcticLAS, Ltd. CRO fyrir afmarkaða starfsemi með erfðabreyttar mýs í dýraaðstöðu á Krókhálsi 5d, Reykjavík. Einnig fær fyrirtækið leyfi til að geyma fósturvísa úr erfðabreyttum músum í köfnunarefni.

Aðgerðaráætlun Umhverfisstofnunar, Landhelgisgæslunnar og Samgöngustofu hefur verið virkjuð vegna strands Green Freezer við sunnanverðan Fáskúrðsfjörð.

Hátíðarathöfn Umhverfis- og auðlindaráðuneytisins á Degi íslenskrar náttúru fór að þessu sinni fram í húsakynnum Umhverfisstofnunar. Um eitt hundrað gestir sóttu stofnunina heim af þessu tilefni og hlýddu á tónlistaratriði og þáðu pönnukökur, kleinur og kaffi.

Umhverfisstofnun vekur athygli neytenda á því að á markaði hér á landi hefur fundist snyrtivara sem tilkynnt var nýlega í RAPEX tilkynningakerfi framkvæmdastjórnar ESB um hættulegar vörur á markaði. Um er að ræða naglalakkið Depend GelLack (númer tilkynningar: A12/1226/14).

Hár styrkur SO2 mældist á Reyðarfirði klukkan 14 í dag. Hæstu toppar fóru upp í tæp 2600µg/m3. Til samanburðar mældust hæstu toppar um nýliðna helgi 600µg/m3 og voru þá hæstu toppar sem mælst hafa frá upphafi mælinga árið 1970.

Nú hafa verið gerðar þær 6 mælingar á styrk flúors í grasi í Reyðarfirði sem settar eru fram í Umhverfisvöktun Alcoa sem samþykkt var af Umhverfisstofnun á þessu ári.

Í síðustu daga hefur blá móða legið yfir Austurlandi vegna eldgossins í Holuhrauni og var hún óvenju mikil í gær laugardag. Há gildi mældust á vöktunarstöðvum í Reyðarfirði og loftmyndir bentu til að mengun væri jafnvel enn meiri á Jökuldal og Fljótsdal. Þau gildi sem mældust í gær eru þau hæstu sem mælst hafa í byggð hér á landi síðan mælingar á mengun hófust á Íslandi nokkuð fyrir 1970.

Vakt er hjá Umhverfisstofnun vegna strands Akrafells við Vattarnes og aðgerðaráætlun Umhverfisstofnunar, Landhelgisgæslu Íslands og Samgöngustofu hefur verið virkjuð.

Fyrirhugaðar eru framkvæmdir á vegum Umhverfisstofnunar á Dynjanda til að tryggja verndun náttúruvættisins. Dynjandi er ein fjölsóttasta náttúruperla á Vestfjörðum. Náttúruvættið er eitt af þeim svæðum sem stofnunin telur að sé undir töluverðu álagi og þurfi að bregðast við því.

Umhverfisstofnun hefur veitt Ísfélagi Vestmannaeyja hf. starfsleyfi fyrir rekstur fiskimjölsverksmiðju við Strandveg 28 í Vestmannaeyjum. Nýja leyfið veitir heimild til að framleiða úr allt að 1.200 tonnum af hráefni á sólarhring, líkt og eldra starfsleyfi verksmiðjunnar sem er nú fallið úr gildi.

Frá því að viðskiptakerfi ESB með losunarheimildir hefur einnig tekið til flugs hafa flugrekendur sem falla undir kerfið þurft að afla losunarheimilda sem samsvara árlegri losun CO2 frá starfseminni. Er þetta hluti af aðgerðum sem ætlað er að draga úr losun gróðurhúsalofttegunda.

Umhverfisstofnun hefur unnið tillögu að nýju starfsleyfi fyrir fiskeldisstöð Íslenskrar matorku ehf., Fellsmúla, Landssveit til eldis á allt að 350 tonnum á ári af bleikjuseiðum og borra. Fiskeldisstöðin í Fellsmúla hefur verið starfrækt í tæplega 30 ár og hefur verið rekin á starfsleyfi frá Heilbrigðiseftirliti Suðurlands til þessa.

Umhverfisstofnun hefur unnið tillögu að nýju starfsleyfi fyrir fiskeldisstöð IceAq ehf., á reit i-5 á aðalskipulagi vestan Grindavíkur, Reykjanesi til eldis á allt að 3.000 tonnum samanlagt af bleikju og borra til manneldis, sem og seiðaeldi sömu tegunda. Leyfið gildir til fiskeldis en nær ekki til slátrunar.

Hárlitir geta innihaldið ýmis ofnæmisvaldandi efni og eru þekkt ofnæmisviðbrögð roði, útbrot, upphleypt húð og sár í hársverði, andliti og/eða hálsi og bólgur í andliti. Umhverfisstofnun kannaði merkingar og innihald hárlita á markaði hér á landi síðast liðið vor og voru tólf innflutningsfyrirtæki og sjö verslanir heimsótt.

Hávaði getur haft skaðleg áhrif á börn, t.d. á heyrn þeirra og athygli. Huga þarf að hávaða í umhverfi barna, hvort sem er heima eða að heiman.

Þann 21. ágúst síðastliðinn gaf Umhverfisstofnun út starfsleyfi fyrir starfsemi SORPU bs. í Álfsnesi, Reykjavík. Tillaga að starfsleyfinu var auglýst á tímabilinu 8. apríl - 5. ágúst 2014 og hélt Umhverfisstofnun jafnframt opinn kynningarfund um málið í Listasal Mosfellsbæjar í lok maí.

Geert Dancet, forstjóri Efnastofnunar Evrópu, heimsótti Ísland fyrir helgi og ræddi framkvæmd efnalöggjafarinnar hér á landi. Hann fundaði með fulltrúum Umhverfisstofnunar og Umhverfis- og auðlindaráðuneytis og einnig fulltrúum annarra eftirlitsstjórnvalda, s.s. fulltrúum frá samtökum atvinnulífsins og iðnaðinum.

Almannavarnir hafa lokað leiðum á hálendinu á Norðausturlandi, norðan Dyngjufjalla af öryggisástæðum vegna jarðhræringa í Bárðarbungu. Einnig hefur nokkrum leiðum upp úr Bárðardal og við Grænavatn verið lokað.

Hreindýraveiðar hafa farið mjög hægt af stað í ár. Í dag hafa innan við 400 dýr veiðst af 1277 dýra kvóta. Veður hefur verið nokkuð gott á veiðisvæðum undanfarna daga en því miður eru afar fáir veiðimenn að veiðum.

Frá 20. ágúst til 15. mars er almennt heimilt að veiða grágæs og heiðagæs. Upphafi veiðinnar er hinsvegar seinkað á austursvæði Vatnajökulsþjóðgarðs til 1. september. Ætla má að fjöldi veiðimanna muni halda til veiða næstu daga, sérstaklega þeir sem ætla að veiða heiðagæsir.

15 sjálfboðaliðar á vegum Umhverfisstofnunar eru við störf í Mývatnssveit þessa dagana. Í þessari viku hefur verið unnið að endurbætum á gönguleiðunum við Kálfaströnd og Vindbelgjarfjall en í næstu viku verður brennipunkturinn á gönguleiðinni kringjum Stakhólstjörn við Skútustaði auk margra minni verkefna.

Umhverfisstofnun leitar að starfsmanni með áhuga á að efla grænt samfélag, m.a. með umhverfisvottun, hvernig fjölga megi Svansvottuðum fyrirtækjum á Íslandi og bættri meðhöndlun úrgangs.

Í gegnum RAPEX berast reglulega tilkynningar um ýmsar vörur, þar á meðal snyrtivörur, sem eru ólöglegar á markaði því þær geta verið skaðlegar heilsu manna.

Lönd Evrópu gætu skapað fleiri störf og ýtt undir nýsköpun með skilvirkari auðlindanýtingu, að því er fram kemur í niðurstöðum nýrrar skýrslu EEA, Umhverfisstofnunar Evrópu.

Umhverfisstofnun vill árétta að samkvæmt lögum er óheimilt frá 15. mars til 15. ágúst að koma nær arnarhreiðrum en 500 m nema brýna nauðsyn beri til.

Frá 25 júlí til og með föstudeginum 1. ágúst er stofnunin opin en gert ráð fyrir að lágmarksþjónustu verði sinnt og þeim störfum sem óhjákvæmilegt er að sinna á þessum árstíma.

Umhverfisstofnun hefur gert samninga við sveitarfélög til þriggja ára um refaveiðar. Að þremur árum liðnum er áætlað að fyrir liggi betri upplýsingar um stofnstærð refsins um land allt sem og frekari upplýsinga um tjón.

Árið 2008 voru einungis fjögur íslensk fyrirtæki með Svansleyfi en voru í lok árs orðin 26 talsins og hefur Svanurinn því rúmlega sexfaldast á þessum tíma. Árið 2013 bættust við þrjú ný Svansleyfi og fleiri umsækjendur eru langt komnir.

Umhverfis- og auðlindaráðuneytið vill koma þeirri ábendingu á framfæri við seljendur og kaupendur leiktækja að rólur og önnur leiktæki sem seld eru til notkunar á fjöleignarhúsalóðum, við sumarhúsbyggð, á tjaldsvæðum og samkomustöðum þurfa að uppfylla ákvæði reglugerðar um öryggi leikvallatækja og leiksvæða og eftirlit með þeim.

Umhverfisstofnun hefur unnið tillögu að nýju starfsleyfi fyrir fiskimjölsverksmiðju HB Granda, Hafnarbyggð 7, Vopnafirði til að framleiða fiskimjöl og lýsi úr 1150 tonnum af hráefni á sólarhring.

Umhverfisstofnun hefur veitt Stakksbraut 9 ehf. starfsleyfi fyrir rekstur kísilverksmiðju á lóðinni að Stakksbraut 9 á iðnaðarsvæðinu í Helguvík. Leyfið veitir heimild til að framleiða allt að 100.000 tonn á ári af hrákísli og allt að 38.000 tonnum af kísilryki og 6.000 tonnum af kísilgjalli.

Eitt af markmiðum rauða listans er að forgangsraða kröftum og fjármunum til verndunar.

Í sumar eru fyrirhugaðaðar framkvæmdir á vegum Umhverfisstofnunar á Gullfossi til að tryggja verndun friðlandsins. Stór hluti, líklega yfir 70%, þeirra sem sækja Ísland heima koma að Gullfossi.

Helgina 4 – 6 júlí verður haldin sannkölluð fjölskylduhelgi í Vatnsfirði. Boðið verður upp á sögustundir, náttúruskoðun og ratleik fyrir alla fjölskylduna. Einnig verður farið í fjölskyldugöngur í Náttúruvættið Surtarbrandsgil og skoðað hvernig flóra Íslands var fyrir 11 milljón árum síðan.

Umhverfisstofnun hefur rekið verkefni sjálfboðaliðastarfs í náttúruvernd frá upphafi stofnunarinnar.

Umhverfisstofnun stendur fyrir alþjóðlegri ráðstefnu um plast í hafi í Hörpu þann 24. september 2014.

Umhverfisstofnun vill minna hreindýraveiðimenn á að ljúka þarf tvennu fyrir næstu mánaðarmót. Annarsvegar að greiða lokagreiðsluna og hinsvegar að þreyta skotpróf á viðurkenndum prófstað.

Fyrrihluta árs var ný landsáætlun um meðhöndlun úrgangs gefin út af umhverfis– og auðlindaráðuneytinu. Áætlunin hefur yfirskriftina úrgangsstjórnun til framtíðar og gildir fyrir tímabilið 2013–2024.

Umhverfisstofnun ákvað að að beita Kratus ehf. dagsektum frá og með 13. júní síðastliðnum.

Dagana 6. til 8. maí leituðu kafarar frá Landhelgisgæslunni olíutanks sem sökk í Ytri flóa Mývatns í júní 2004. Tankurinn sem er úr stáli og rúmar 1000 lítra, hefur tvöfalt byrði með loftrúmi á milli. Leitin bar fljótt árangur og fannst stór málmhlutur 120 cm undir botnseti skammt frá þeim stað sem talið var að tankurinn hefði farið í vatnið. Yfirgnæfandi líkur eru á því að þar sé olíutankurinn fundinn en ekki náðist að grafa að honum til að staðfesta það með óyggjandi hætti.

Að gefnu tilefni vill Umhvefisstofnun vekja athygli á að á mörgum friðlýstum svæðum á landinu eru viðkvæmar náttúrumyndanir. Gestir svæðanna eru því beðnir um að hafa í huga að hvergi má raska jarðmyndunum og bannað er að hrófla við steintegundum eða flytja þær út af svæðunum.

Vegagerðin hefur opnað Sigölduleið inn í Friðland að Fjallabaki fyrir umferð.

Nýlega hélt ferðamáladeild Háskólans á Hólum sitt árlega göngustiganámskeið þar sem nemendur fengu að kynnast mikilvægum þáttum landverndar.

Árlegri vortalningu Náttúrufræðistofnunar Íslands á rjúpu er lokið en talningar sýna fjölgun víða um land.

Í nýlegri stefnumótun Umhverfisstofnunar setti stofnunin sér markmið sem eiga að styðja við þróun í átt að grænna samfélagi. Sem liður í þeirri vinnu hefur Umhverfisstofnun nú að eigin frumkvæði tekið saman lista yfir öll fyrirtæki eða stofnanir sem eru með vottað umhverfisstjórnunarkerfi samkvæmt ISO 14001, en þetta er í fyrsta sinn sem slíkur listi er tekin saman á Íslandi.

Umhverfisstofnun tók þátt í Hátíð hafsins í þriðja sinn nú í ár og var með sýningu í tjaldi á Grandagarði við sjóminjasafnið Víkina. Að þessu sinni bar sýning stofnunarinnar heitið Fjörulallar og var boðið upp á fræðslu fyrir fjölskylduna um það sem finna má á fjörugöngu og fleira sem tengist hafinu.

Umhverfisstofnun hefur með samþykki SORPU tekið ákvörðun um að framlengja áður auglýstan athugasemdafrest vegna tillögu að starfsleyfi fyrir SORPU. Nýr frestur til að skila inn athugasemdum um tillöguna er til 5. ágúst næstkomandi.

Í því skyni að auka skilvirkni úthlutunar veiðileyfa hefur Umhverfisstofnun gert breytingu á vinnureglum varðandi biðlistaúthlutun.

Hjá Umhverfisstofnun er laust til umsóknar starf lögfræðings. Í boði er krefjandi starf í frjóu umhverfi sérfræðinga þar sem gildin fagmennska, samvinna, framsýni og virðing eru höfð að leiðarljósi.

Umhverfisstofnun hefur tekið saman tvær skýrslur, annars vegar um gæði eldsneytis og hins vegar um brennisteinsinnihald í skipaolíu á íslenskum markaði árið 2013.

Nú um mánaðamótin birtist krafa vegna lokagreiðslu hreindýraveiðileyfa í heimabönkum leyfishafa. Krafan er frá Ríkissjóðsinnheimtum. Einnig verða sendir út greiðsluseðlar. Samkvæmt reglugerð er síðasti mögulegi greiðsludagur 30. júní sem er mánudagur.

Í síðustu viku var undirrituð áætlun um viðbrögð við bráðamengun utan hafna og notkun skipaafdrepa. Áætlunin fjallar um hvernig eigi að bregðast á við þegar óhöpp verða á sjó er varða skip í efnahagslögsögu Íslands sem ógna siglingaöryggi eða hætta er á að valdi umhverfisstjóni.

Áður auglýst takmörkun aðgengis að Skútustaðagígum er lokið.

Kynningarfundurinn um starfsleyfistillögu SOPRU verður haldinn þriðjudaginn þann 27.maí næstkomandi kl. 17.

33% færri frávík í eftirliti Meðaltal frávika á eftirlit hefur lækkað úr hlutfallinu 1,2 frávik á hvert fyrirtæki niður í 0,8 frávik á hvert fyrirtæki milli áranna 2012 og 2013 eða um 33% milli ára. Frávikum hefur fækkað um helming miðað við árið 2011 en þá voru skráð að meðaltali 1,6 frávik á hvert fyrirtæki.

Sigurður Ingi Jóhannsson, umhverfis- og auðlindaráðherra, staðfesti í dag friðlýsingu hluta af jörðinni Bringum efst í Mosfellsdal sem fólkvang. Markmið friðlýsingarinnar er að vernda svæðið til útivistar almennings, náttúruskoðunar og fræðslu, auk þess að varðveita sérstakar náttúru- og menningarminjar.

Friðlýsing fólkvangs í Bringum í Mosfellsbæ verður staðfest af umhverfis- og auðlindaráðherra, Sigurði Inga Jóhannssyni, þriðjudaginn 20. maí 2014 kl. 17:00. Athöfnin fer fram í Bringum (beygt til hægri frá Þingvallavegi spölkorn ofan við Gljúfrastein í Mosfellsdal).

Umhverfisstofnun hefur gefið út starfsleyfi fyrir Náttúru fiskirækt ehf. Umhverfisstofnun auglýsti tillögu að starfsleyfi fyrir fiskeldið á tímabilinu 12. desember 2013 til 6. febrúar 2014.

Umhverfisstofnun hefur unnið tillögur að starfsleyfum fyrir nokkrar fiskimjölsverksmiðjur. Tillögur hafa verið gerðar fyrir Vinnslustöðina, Loðnuvinnsluna, Ísfélags Vestmannaeyja hf og Síldarvinnsluna hf.

Dyrhólaey er opin almenningi nær allt árið en umferð verður stýrt um friðlandið frá 9. maí til 25. júní.

Skýrsla ársins 2013 er sú fyrsta á nýju fimm ára áætlunartímabili þar sem gerð eru upp ný markmið. Gerðar voru nokkrar breytingar á skipulagi stofnunarinnar á árinu þar sem áhersla er lögð á teymisvinnu. Við höfum trú á því að teymisfyrirkomulagið leysi ýmis vandamál eins og að málaflokkar séu ekki háðir þekkingu eins starfsmanns og að þekking glatist ekki þegar starfsmenn hætti. Þá vonumst við til að með auknum samskiptum og samvinnu aukist starfsánægja og þróun í okkar verkum.

Bein útsending frá Ársfundi Umhverfisstofnunar.

Landhelgisgæslan hefur fundið málmhlut á stærð við olíutank mjög nálægt þeim stað þar sem talið var að tankurinn hefði fallið í vatnið.

Sameiginlega EES- nefndin hefur ákveðið breytingu á XX. viðauka (Umhverfismál) við EES-samninginn, og að fellt verði inn í samninginn reglugerð Evrópuþingsins og ráðsins (ESB) um breytingu á tilskipun 2003/87/EB um að koma á fót kerfi fyrir viðskipti með heimildir til losunar gróðurhúsalofttegunda innan Bandalagsins með tilliti til framkvæmdar á alþjóðasamningi um beitingu sameiginlegrar markaðstengdrar heildarráðstöfunar um alþjóðlega losun frá flugi frá árinu 2020.

Að beiðni Umhverfisstofnunar mun mun Landhelgisgæslan leita að olíutanki í Mývatni með fullkomnum málmleitartækjum. Leitin hefst þriðjudaginn 6. maí.

Umhverfisstfonun boðar til ársfundar þann 9. maí næstkomandi að Grand Hótel í Reykjavík klukkan 13.

Sigurður Ingi Jóhannsson, umhverfis- og auðlindaráðherra, staðfesti sl. miðvikudag tvær friðlýsingar innan marka Garðabæjar. Um er að ræða annars vegar friðlýsingu Búrfells, Búrfellsgjár og eystri hluta Selgjár sem náttúruvætti en alls er þar um að ræða 323 hektara. Hins vegar Garðahraun neðra, Garðahraun efra, Vífilsstaðahraun og Maríuhella í Búrfellshrauni sem nú eru friðlýst sem fólkvangur en alls eru það um 156,3 hektarar.

Nýjar friðlýsingar í Garðabæ verða staðfestar af umhverfisráðherra og fjármálaráðherra í dag, 30. apríl, kl. 16.

Undanfarin tvö ár hefur ríkið ekki tekið þátt í kostnaði sveitarfélaga við refaveiðar. Nú verður breyting á því þar sem á fjárlögum er gert ráð fyrir 30 milljónum á ári í verkefnið til næstu þriggja ára. Forsenda fjárveitingarinnar er að gerðir verði samningar við sveitarfélögin um endurgreiðslur. Gert er ráð fyrir að endurgreiðslan nemi allt að þriðjungi kostnaðar sveitarfélaga.

Umhverfisstofnun og sveitarfélagið Mosfellsbær auglýsa hér með til kynningar tillögu að stofnun fólkvangs á hluta af jörðinni Bringum, efst í Mosfellsdal. Stærð svæðisins er 18,6 hektarar.

Umhverfisstofnun hefur markað sér stefnu í upplýsingamálum sem grundvallast á miklu gagnsæi og metnaði fyrir að taka virkan þátt í opinberri umræðu um umhverfismál. Stofnunin óskar að ráða upplýsingafulltrúa til starfa.

Umhverfisstofnun hefur unnið tillögu að starfsleyfi fyrir Stakksbraut 9 ehf. til að að framleiða í tveimur ljósbogaofnum allt að 100.000 tonnum á ári af hrákísli (>98% Si) og allt að 38.000 tonnum af kísilryki og 6.000 tonnum af kísilgjalli. Reksturinn á að fara fram á lóðinni Stakksbraut 9 í Reykjanesbæ, en hún er á Helguvíkursvæðinu.

Ný reglugerð nr. 300/2014 um þvotta- og hreinsiefni hefur tekið gildi. Sú breyting hefur átt sér stað frá fyrri reglugerð frá 2008 að nú er bannað að markaðssetja tauþvottaefni með fosfötum til heimilisnota. Samskonar breyting tekur gildi 1. janúar 2017 fyrir uppþvottavélaefni.

Vakin er athygli á því að upplýsingar um kröfur er varða snyrtivörur hafa verið uppfærðar. Umhverfisstofnun hefur einnig útbúið bækling um markaðssetningu snyrtivara og tvo gátlista, annars vegar um markaðssetningu snyrtivara almennt og hins vegar um markaðssetningu hárlita.

Umhverfisstofnun hefur undanfarið unnið að gerð verndar- og stjórnunaráætlun fyrir friðlandið Surtsey. Tillagan er hér með lögð fram til kynningar Surtsey er syðsta eyjan í Vestmannaeyjaklasanum.

Umhverfisstofnun í samráði við landgeigendur hefur ákveðið að takmarka umferð um Skútustaðagíga með tilvísun í 16. gr reglugerðar nr. 665/2012 um verndun Mývatns og Laxár í Suður-Þingeyjarsýslu.

Umhverfisstofnun hefur unnið tillögu að starfsleyfi fyrir urðunarstað SORPU bs. í Álfsnesi, Reykjavík. Samkvæmt tillögunni verður heimilt að taka á móti og urða allt að 120 þúsund tonn af úrgangi á ári, starfrækja hreinsistöð fyrir hauggas, gera tilraunir með endurnýtingu flokkaðs úrgangs og geyma úrgang sem nýttur er við rekstur urðunarstaðarins eða bíður endurnýtingar.

Undanfarið hefur Umhverfisstofnun með aðkomu ráðgjafanefndar um friðlandið Dyrhólaey unnið að gerð verndar- og stjórnunaráætlunar fyrir friðlandið. Tillagan er hér með lögð fram til kynningar.

Undanfarið hafa Umhverfisstofnun og fulltrúar Akureyrarkaupstaðar unnið að undirbúningi að stofnun fólkvangs á Glerárdal. Tillagan er hér með auglýst til umsagnar.

Umhverfisstofnun var á síðasta ári falið aukið eftirlitshlutverk með efnum, efnablöndum og hlutum sem innihalda efni. Eitt helsta markmið efnalaga og eftirlits er að tryggja að meðferð á efnum og efnablöndum valdi hvorki tjóni á heilsu manna og dýra né á umhverfi.

Umhverfisstofnun hefur samið við Hellaferðir slf. um rekstur á Vatnshelli, sem er í þjóðgarðinum Snæfellsjökli, til tveggja ára. Samningurinn er sá fyrsti sinnar tegundar en þarna er stigið mikilvægt skref í að tengja nærsamfélagið betur við þjóðgarðinn og hefur hellirinn með beinum hætti skapað heimamönnum atvinnu í þjóðgarðinum.

Skilafrestur veiðiskýrslna er í dag 1. apríl.

Í dag, þann 31. mars 2014, er síðasti mögulegi greiðsludagur staðfestingargjalds vegna úthlutaðs hreindýraveiðileyfis. Hafi greiðsla ekki borist fyrir 1. apríl þá hefur leyfishafi afsalað sér leyfinu og því verður úthlutað að nýju.

Landbúnaðarháskóli Íslands heldur námskeið um meðferð varnarefna dagana 7.-11. apríl næstkomandi að Keldnaholti í Reykjavík.

Umhverfisstofnun gerði athugasemdir við söfnun úrgangs, m.a. spilliefna, og tilraun til að flytja úrgang úr landi án leyfa þegar moldóvíska flutningaskipið Just Mariiam var við höfn í Hafnarfirði í janúar sl. Áður hefði skipið haft viðkomu á Höfn í Hornafirði.

Í skýrslu Ríkisendurskoðunar frá árinu 2011 um sorpbrennslur og eftirlit með mengandi starfsemi var þremur ábendingum beint til Umhverfisstofnunar. Stofnuninni bæri að starfa í samræmi við lög og reglugerðir, tryggja að faglegar áherslur væru ávallt í fyrirrúmi og að samanburður mengunarmælinga byggði á réttum forsendum.

Hollvinasamtök Þjóðgarðsins Snæfellsjökuls í samstarfi við Þróunarfélags Snæfellinga og Umhverfisstofnun boða til fundar um stöðu og framtíðarhorfur í starfsemi Þjóðgarðsins.

Lokið hefur verið við gerð hávaðakorta og aðgerðaáætlana fyrir stóra vegi og þéttbýlissvæði á Íslandi. Hávaðakort sýnir niðurstöður hávaðaútreiknings fyrir ákveðin svæði, s.s. vegi. Ábyrgðaraðilar vega og svæða skulu í kjölfarið leggja fram áætlun um úrbætur m.t.t. hávaðaviðmiða.

Umhverfisstofnun veitti nýlega GMR Endurvinnslunni ehf. starfsleyfi til að bræða brotajárn í ljósbogaofni. Starfsleyfistillagan var auglýst á tímabilinu 4. september til 30. október 2013. Kynningarfundur var haldinn í Fannahlíð 4. september, þar sem tillagan var kynnt ásamt og með starfsleyfistillögu fyrir Kratus ehf. Reksturinn fer fram að Tangavegi 7 á iðnaðarsvæðinu á Grundartanga.

Þann 26. febrúar sl. gaf Umhverfisstofnun út leyfi til Háskóla Íslands fyrir afmarkaðri starfsemi með erfðabreyttar örverur í Lífvísindasetri, starfsstöð í Læknagarði. Heimiluð er starfsemi með erfðabreyttar örverur af flokki I, með plasmíð og klónuð gen í Escherichia coli og Saccharomyces cerevisiae og skilgreindum spendýra frumulínum frá viðurkenndum dreifingaraðilum.

Umhverfisstofnun hefur nú lokið úthlutun endurgjaldslausra losunarheimilda fyrir árin 2013 og 2014. Fimm rekstraraðilar fengu úthlutað. Úthlutun fyrir árið 2013 var 1.462.844 losunarheimildir að verðmæti rúmlega 1.488 milljónum króna og fyrir árið 2014 var hún 1.437.438 losunarheimildir að verðmæti rúmlega 1.462 milljónum króna.

Hellir fannst í Neshrauni innan Þjóðgarðsins Snæfellsjökuls þann 18. janúar síðastliðinn. Það voru Þór Magnússon, Lúðvík V. Smárason, Kristinn Jónasson og Óli S. Sigurjónsson sem fundu hellinn. Erfitt er að komast í hellinn en hann er nokkuð stór.

Árið 2014 er dagur vatnsins helgaður vatni og orku. Að því tilefni efnum við til morgunfundar í Norðurljósasal Hörpu, föstudaginn 7. mars.

Umhverfisstofnun auglýsir eftir landvörðum sumarið 2014 á eftirtalin svæði: Þjóðgarðinn Snæfellsjökul, verndarsvæði við Mývatn og Laxá, Suðurland, sunnanverða Vestfirði og Hornstrandir.

Umhverfisstofnun, sveitarfélagið Hörgársveit og landeigendur jarðarinnar Hóla hafa undanfarið unnið að undirbúningi að friðlýsingu hluta jarðarinnar Hóla í Öxnadal sem friðlands og er tillagan hér með auglýst til kynningar.

Umhverfisstofnun hefur gefið út endurnýjað starfsleyfi fyrir fiskimjölsverksmiðju Ísfélags Vestmannaeyja hf. á Þórshöfn. Starfsleyfið veitir rekstraraðila heimild til að framleiða fiskimjöl og lýsi úr fiski, afskurði og öðrum fiskúrgangi í verksmiðjunni.

Umhverfisstofnun hefur gefið út endurnýjað starfsleyfi fyrir fiskimjölsverksmiðju Síldarvinnslunnar hf. í Helguvík, Reykjanesbæ. Starfsleyfið veitir rekstraraðila heimild til að framleiða fiskimjöl og lýsi úr fiski, afskurði og öðrum fiskúrgangi í verksmiðjunni.

Baark arkitektastofa vinnur að gerð deiliskipulags fyrir Látrabjargssvæðið sem er samstarfsverkefni landeigenda, Vesturbyggðar, Umhverfisstofnunar og ferðamálasamtaka.

Framkvæmdastjórn ESB og aðildarríki ESB og EES hafa sent frá sér tilkynningu þar sem fram kemur að skilum á skýrslu vegna losunar gróðurhúsalofttegunda árið 2013 sem átti að vera lokið fyrir 31. mars næstkomandi, og uppgjöri losunarheimilda sem átti að vera lokið fyrir 30. apríl næstkomandi í flugi, er frestað til ársins 2015. Þetta er gert í ljósi þess að ekki er hægt að tryggja að niðurstaða um tillögu Framkvæmdastjórnar ESB um breytingu á tilskipun 2003/87/EB náist í tæka tíð.

Útdráttur hreindýraveiðileyfa fer fram laugardaginn 22. febrúar kl. 14:00 í húsakynnum Þekkingarnets Austurlands á Egilsstöðum.

Frestur til að sækja um hreindýraveiðileyfi rann út á miðnætti 15. febrúar og er verið að fara yfir umóknir. Þegar fjöldi umsókna og fjöldi þeirra sem eru á fimm skipta reglunni liggur fyrir verður það birt hér á síðunni.

Þann 14. febrúar sl. gaf Umhverfisstofnun út starfsleyfi fyrir urðunarstað Byggðasamlagsins Hulu á Skógasandi, Rangárþingi eystra.

Tíðni eftirlits hjá mengandi starfssemi fer skv. reglugerð 786/1999 um mengunareftirlit. Fyrirtækjum er skipt í fimm flokka. Fyrirtæki í 1. flokki fá eftirlit tvisvar sinnum á ári, fyrirtæki í 2. og 3. flokki fá eftirlit einu sinni á ári, fyrirtæki í 4.flokki fá eftirlit annað hvert ár og fyrirtæki í 5. flokki fá eftirlit eftir þörfum.

Gefin hefur verið út verndar- og stjórnunaráætlun en í henni er fjallað um nauðsynlegar verndaraðgerðir, landvörslu og landnýtingu, s.s. aðgengi ferðamanna að svæðinu, stígagerð og uppbyggingu þjónustumannvirkja o.fl.

Umhverfisstofnun hefur áminnt Kratus ehf. og krafist úrbóta vegna fráviks sem kom í ljós við eftirlit. Fyrirtækinu var veittur frestur til þess að koma sjónarmiðum sínum á framfæri og tækifæri til að bregðast við athugasemdunum.

Þann 5. febrúar sl. gaf Umhverfisstofnun út starfsleyfi fyrir urðunarstað Sorpurðunar Vesturlands hf. að Fíflholtum, Borgarbyggð.

Við leitum að starfsmanni til að hafa umsjón með verndarsvæði Mývatns og Laxár sem og öðrum náttúruverndarsvæðum í nágrenninu. Lífríki svæðisins er einstakt en eitt helsta hlutverk starfsmannsins er að varðveita náttúru svæðisins í samvinnu við íbúa og ferðamenn.

Loftslags- og lofthópur Norrænu ráðherranefndarinnar (KOL) auglýsir eftir verkefnisumsóknum um nýskapandi miðlun upplýsinga á Norðurlöndum á sviði náttúruvísinda og samfélagsgreina byggt á fimmta mati IPCC á loftslagsbreytingum.

Landform ehf. vinnur að gerð deiliskipulags fyrir náttúruvættið Dynjanda sem er samstarfsverkefni Ísafjarðarbæjar og Umhverfisstofnunar. Markmið með deiliskipulaginu er að tryggja verndun náttúru- og menningarminja á svæðinu ásamt því að bæta aðgengi og auka öryggi ferðamanna.

Í dag er mikið rætt um notkun á sótthreinsandi efnum í neytendavörum og þau áhrif sem það getur haft í för með sér.

Opnað hefur verið fyrir skilavef til að skila inn veiðiskýrslu og sækja um nýtt veiðikort. Umhverfisstofnun hefur sent út tölvupóst til allra veiðikorthafa vegna skila á veiðiskýrslu og umsóknar um nýtt veiðikort.

Umhverfisstofnun hefur lokið við gerð upplýsingablöðungs um öryggisblöð. Öryggisblöð eru mikilvægur þáttur í vinnuvernd og innihalda m.a. upplýsingar um örugga meðhöndlun og notkun efna og efnablandna. Vinnuveitandi skal veita starfsmönnum sínum aðgang að slíkum upplýsingum fyrir þau efni eða efnablöndur sem þeir nota eða geta orðið fyrir váhrifum af í starfi sínu.

Frá 4. febrúar næstkomandi verður gestastofa Þjóðgarðsins Snæfellsjökuls opin alla virka daga en lokuð um helgar. Hingað til hefur gestastofan aðeins verið opin frá 20. maí til 10. september.

Umhverfis- og auðlindaráðherra hefur ákveðið hreindýrakvóta þessa árs að fengnum tillögum frá Umhverfisstofnun. Heimilt verður að veiða allt að 1277 dýr á árinu sem er fjölgun um 48 dýr frá fyrra ári.

Samkvæmt reglum um mengunareftirlit er heimilt að draga úr reglubundnu eftirliti með mengandi starfsemi sé starfsleyfishafi án frávika fjögur ár í röð. Íslandsbleikja ehf. óskaði eftir að eftirlitsferðum yrði fækkað á þessum forsendum á Stað og á Vatnsleysuströnd.

Olíudreifing ehf. hefur verið veitt starfsleyfi fyrir rekstur olíubirgðastöðvar á Neskaupstað í Fjarðabyggð.

Umhverfisstofnun hefur áminnt Ísfélag Vestmannaeyja – Þórshöfn og krafist úrbóta vegna fráviks sem kom í ljós við eftirlit.

Umhverfisstofnun hefur ákveðið að bjóða út rekstur Vatnshellis í þjóðgarðinum Snæfellsjökli.

Eins og tilkynnt var í nóvember vinnur Framkvæmdastjórn ESB nú að því að semja um fyrirhugaðar breytingar á tilskipun 2003/87/EB í viðskiptakerfi ESB með losunarheimildir fyrir flug.

Á undanförnum árum hefur Umhverfisstofnun markvisst reynt að draga úr umhverfisáhrifum stofnunarinnar. Innleitt var ISO 14001 umhverfisstjórnunarkerfi samhliða ISO 9001 gæðakerfi. Pappír er meðal þeirra gæða sem hefur verið fyrirferðamikill í stjórnsýslu í gegnum tíðina.

Umhverfisstofnun hefur fylgst náið með þróun flúormengunar í Reyðarfirði frá árinu 2012. Nýlega bárust mælingar á flúor í kjálkabeinum ásamt sjónskoðum á tönnum.

Í desember síðastliðinn var lokið við stöðuskýrslu um helsta álag á vatn á Íslandi.

Umhverfisstofnun auglýsir námskeið í landvörslu. Námskeiðið hefst 13. febrúar og lýkur 9. mars n.k. og spannar rétt tæpar 100 klukkustundir.